Parabéns!

Dende o noso pequeno recuncho queremos facer resón dunha formidábel nova para a nosa literatura: Antonio García Teijeiro acaba de gañar o Premio Nacional de Literatura Infantil e Xuvenil que outorga o Ministerio de Cultura co libro de poesía en galego Poemar o mar.

Poemar o mar, un libro de poemas escrito en galego acaba de lle valer ao vigués Antonio García Teijeiro facerse co Premio Nacional de Literatura Infantil e Xuvenil. O galardón que outorga do Ministerio de Cultura recoñece un traballo "cargado de emoción, cunha brillante elección léxica, onde o mar é o grande protagonista, poboado de criaturas que transitan por orixinais e suxestivas composicións poéticas". A obra, que é o primeiro poemario en se facer co galardón nos últimos quince anos, está publicada por Xerais con ilustracións de Xan López Domínguez.

Comentarios

Publicar un comentario

Publicacións populares deste blog

Día Europeo das Linguas

Imaxe
O galego, unha máis! O 26 de setembro todas as linguas europeas estiveron de celebración. Nesta data, lembramos a importancia e mais a necesidade de preservarmos e fomentarmos a rica diversidade cultural e lingüística de Europa, así como de incrementarmos o grao de entendemento intercultural e lingüístico a través do impulso da aprendizaxe de linguas. Neste sentido, non se deben pasar por alto datos como que en todo o continente europeo existen arredor de 200 linguas nativas, que a Unión Europea é a institución do mundo máis plurilingüe ao recoñecer 24 linguas oficiais (ás que cómpre sumar arredor de 60 linguas denominadas rexionais ou minoritarias) ou que se falan no seu territorio algo máis de 100 linguas procedentes doutros continentes do mundo que usan a diario persoas inmigrantes. Neste mar de linguas que baña o continente europeo, está a lingua de noso. Ten vida propia desde o século IX, na palabra viva e no pensamento expresivo do pobo galego, e desde finais do XII na ...
Ler máis

Día de Rosalía de Castro

Imaxe
#mobilizarosalía Desde o profundo da voz e co seu canto radical e solidario, Rosalía de Castro mobiliza a nosa conciencia colectiva, galega e universal. A obra de Rosalía, adiantada ao seu tempo, fala tamén para a mocidade do século XXI: adáptase, camaleónica, a todos os soportes e medios de difusión tecnolóxica, en papel ou dixitais. Dende a Asociación de Escritoras e Escritores en Lingua Galega (AELG) queren conmemorar o 24 de febreiro -fixado no Calendario do Libro e da Lectura como aniversario do nacemento da autora- o Día de Rosalía de Castro. Para esa data a AELG propón á cidadanía que agasalle un libro en galego e unha flor, alén doutras accións, dirixidas aos centros de ensino, coa finalidade de realizar accións colectivas de difusión da obra de Rosalía. Na Educación Secundaria e Bacharelato, dende a AELG propóñennos o envío masivo e simultáneo dun verso de Rosalía desde os terminais móbiles do alumnado e do profesorado dos centros, baixo a etiqueta #mob...
Ler máis